موضوع الغلاف

من تمنتعشر سنة استشهد
والابن شعلة والدو تسلّم
وطيار تاني حدّك استسلم
وجيشنا لهالكارثه تألّم
ومين من دمّ الفدا أكرم

من تربل لزحله للبيره الشوف
عينك يا لبنان الحزينة تشوف
قديشها مرّة وصعبة ظروف
ويضلّ طيفن عالجبال يطوف

بقاعنا الأخضر تصبّغ دمّ
وأبطالنا ومؤسستنا الأمّ
وكرامة الأرزات راح بيضمّ
ودمّ البري منضلّ طهرو نشمّ

لجيشنا الصامد تعازي القلب
والصلاة الحارة للربّ
ومؤسّستنا الغالية المنحبّ
نحيّي الشرف والتضحية والدرب
ومن ينابيع الوفا منغبّ
والرئيس الرمز منقلّو

والدك وتكرّر المشهد
وتا يحلّق بلبناننا تجنّد
للشهادة والأسى تجدّد
ولا يوم عن هالتضحيه تردّد
ومين من جيش الوطن أجود؟

لطرابلس يا فجعة الأخبار
عا تلال نيحا شو جرى وشو صار
جيشنا يخسر وجوه قمار
يذكّر الناس بدمّن المدرار

وحزنت سهولو مع جبالو
عالجروح القاسية تعالو
هالوطن يفدى استقلالو
بالجبل والعاصمة بيروت

وللعيال الخسرت ولادا
تا يرحم ويقبل استشهادا
وكل ضبّاطا وأفرادا
الكلاّ عطا ومنقدّر جهادا
حبنا لجيش الوطن كلّو
المؤسسة فخرا بقوّادا

الشاعر اميل نون
أمين سرّ نقابة الشعر اللبناني